Lleswyl 2024

Ar un noson yn unig, ym mis Chwefror, bydd Daring to Dream yn darlledu cerddorion o safon fyd-eang i gartrefi ledled Cymru, i greu’r profiad gŵyl gartrefol eithaf. Maen nhw wedi sicrhau bandiau sy’n gyson ar gylchdaith yr ŵyl – Green Man, Womad, Glastonbury a nawr Lleswyl!

O’r cae i gysur eich ystafell ffrynt, does dim pryderon am dywydd gwael, arlwyo gwael, na chyflwr y toiledau yn Lleswyl! Mae hynny’n nodwedd bwysig o’r ŵyl, mae’n rhad ac am ddim, yn hwyl, yn hygyrch i bawb.

Mae Lleswyl yn ddigwyddiad byw, yn y cartref, i gydnabod bod 1.2 miliwn o oedolion sy’n byw yng Nghymru yn mynd i’r afael â salwch corfforol bob dydd. Mae cyflyrau acíwt a chronig, anabledd, neu unigrwydd, yn atal pobl rhag cael mynediad at lawer o brofiadau cymdeithasol, y mae Daring to Dream eisiau eu newid.

Nid yw’n cymryd llawer i greu profiadau cymdeithasol sy’n gweithio i bawb ac yn tynnu pobl at ei gilydd. Mae cysyniad yr ŵyl yn canolbwyntio ar bartïon gwylio. Mae’r partïon hyn yn fodel ar gyfer cymdeithasu cynhwysol. Megis dechrau yw Lleswyl, ei nod yw rhoi hwb i achlysuron cymdeithasol rheolaidd i gynnig cefnogaeth emosiynol i’r rhai sy’n ynysig ac yn unig oherwydd salwch cronig neu anabledd.

Mae’r ŵyl yn gyfle i wneud hyn gyda cherddoriaeth wych, sy’n cael ei chynnal yn fyw gan Siân Lloyd Jason Harrold, a Tumi Williams (dehongli BSL hefyd).