Gweminarau Adolygu Canol Gyrfa sy’n cwmpasu Gyrfa, Iechyd a Lles

Mae sesiynau Adolygiad Canol Gyrfa Busnes yn y Gymuned yn cynnig cyfle i unigolion 50+ oed fyfyrio a chymryd golwg gyfannol ar eu bywyd o ran gwaith ac iechyd. Maent yn helpu’r rhai sy’n bresennol i ystyried pa ddewisiadau gwybodus y gallent fod eisiau eu gwneud i gynllunio ar gyfer dyfodol cadarnhaol.

Mae pob sesiwn Adolygu Canol Gyrfa yn rhad ac am ddim i’w mynychu, diolch i gyllid gan Gronfa Gymunedol y Loteri Genedlaethol. Mae rhai o’r manteision o fynychu Adolygiad Canol Gyrfa yn cynnwys:

Cyfle i fyfyrio ac ystyried dymuniadau ac anghenion ar gyfer y dyfodol
Dod yn fwy gwybodus ynghylch ble i ofyn am arweiniad ar bynciau perthnasol
Datblygu gwytnwch i ddelio â heriau personol a phroffesiynol
Helpu i wella iechyd a lles
Gwella hyder i ganolbwyntio ar gynlluniau a gwneud newidiadau.

Cynhelir y sesiynau rhyngweithiol hyn dros Zoom a byddwch yn gallu eistedd a gwrando ar y cyflwynydd, neu gymryd rhan gyda’ch adborth a’ch cwestiynau eich hun os dymunwch.